Մեր աչքի առջև էին՝ հինավուրց ճարտարապետական կոթողները վերասլաց գմբեթներով տաճարները։ Որքան իմաստուն մտքեր են բողբոջել ու ծաղկել նրանց կամարների տակ, որքան մագաղաթներ են զարդարվել մեսրոպյան մարգարիտներով ու անկրկնելի գույնզգույն մանրանկարներով։ Այո, դա հին ու իմաստուն երկիր էր՝ աղքատ, սակայն վեհ մի երկիր, որտեղ գեղջուկի անխոնջ տքնությամբ անջրդի հողերն առատ բերք էին պարգևում ու կյանք տալիս իմաստությանը։
Եվ այդ ամենը հիմա անուրջ է, որ հոդս է ցնդել ամպի քուլայի պես։ Այդ երկրից մենք հայերս թողել էինք ու հեռացել անզոր մղկտալով։ Սուգ ու արտասուք եղավ։ Հեծկլտոցը աղեխարշ ճիչերը սիրտ էին կեղեքում, կոկորդ խեղդում, անակնկալ խորշակը մոլեգին իջել էր հինավուրց երկրի վրա։ Անօրեն բռնակալն իր սուրը կարկառեց դեպի խոնարհ գեղջուկի խեղճ հյուղը և միլիոնավոր անբասիր սրտեր խողխողեց։ Անթիվ երազներ իսպառ վերացան և անհամար հույսեր նվիրական եթերային ի դերև ելան։ Հատուկենտ մարդիկ փրկվեցին այդ անօրեն հաշվեհարդարից։
- Լրացրու բաց թողած տառերը, կետադրիր՝ որքան կարող ես։
- Գտիր երկուական պարզ, ածանցավոր, բարդածանցավոր և բարդ բառեր։
Պարզ — երազներ, երկիր
Բարդածանցավոր — մանրանկարներով, հաշվեհարդարից
Ածանցավոր — իմաստուն, անխոնջ
Բարդ — գույնզգույն, աղեխարշ
- Տեքստից գտիր կառույց, երփներանգ, երազ, ջանք, գյուղացի, անսպասելի բառերի հոմանիշները։
Երփներանգ — գույնզգույն
Երազ — անուրջ
Գյուղացի — գեղջուկ
Անսպասելի — անակնկալ
- Գտիր ածականները, որոշիր տեսակները։
Հինավուրց — հարաբերական
Վերասլաց — հարաբերական
Իմաստուն — հարաբերական
Մեսրոպյան — հարաբերական
Անկրկնելի — հարաբերական
Գույնզգույն — հարաբերական
Հին — որակական
Անխոնջ — հարաբերական
Առատ — որակական
Անուրջ — հարաբերական
Աղեխարշ — հարաբերական
Անօրեն — հարաբերական
Անթիվ — հարաբերական
Հատուկենտ — հարաբերական
- Գտիր անդեմ բայերը, որոշիր՝ որ դերբայներն են։
Բողբոջել — անորոշ
Ծաղկել — անորոշ
Զարդարվել — անորոշ
Պարգևում — անկատար
Հեռացել — անորոշ
Թողել — անորոշ
Կեղեքում — անկատար
Խեղդում — անկատար
Իջել էր — անորոշ
Մարիա Շոկարյան 