1)Ի՞նչ գիրք ես կարդում կամ արդեն կարդացել(վերնագիրը, հեղինակի անունը):
Ես կարդացել եմ <<Հարրի Փոթերը և գաղտնիքների սենյակը>> պատմվածքը։ Հեղինակը՝ Ջոան Ռուլինգ։ Նաև կարդացել շատ փոքրիկ պատմվածք, որը կոչվում է Լուցկիներով աղջիկը։ Հեղինակը՝ Հանս Քրիստիան Անդերսեն։
2)Քեզ դուր եկած ամենահետաքրքիր հատվածը կամ արտահայտությունը:
<<Հարրի Փոթերը և գաղտնիքների սենյակը>> գրքի հետևում գրված էր մի նախադասություն, որը ես հավանեցի։ Հարրի, ավելի շատ մեր կատարած ընտրությունն է ցույց տալիս՝ ով ենք մենք իրականում քան մեր կարողությունը։
<<Լուցկիներով աղջիկ>> պատմվածքի մեջ ինձ դուր եկավ այս հատվածը։ Ու նա հապշտապ չխկացրեց բոլոր լուցկիները, որ մնացել էին տուփի մեջ՝ ահա թե ինչքան էր նա ուզում տատիկին պահել իր մոտ: Ու լուցկիներն այնքան շլացուցիչ բռնկվեցին, որ շրջակայքը ցերեկվանից էլ լուսավոր դարձավ: Տատիկն իր ողջ կյանքի ընթացքում երբեք չէր եղել այդքան գեղեցիկ ու վեհաշուք: Նա աղջկան իր գիրկն առավ. լույսի և ուրախության ցոլքի մեջ նրանք բարձրացան վերև՝ այնտեղ, որտեղ ոչ սով կա, ոչ ցուրտ, ոչ վախ. նրանք բարձրացան այնտեղ, որտեղ Աստված է:
3)Առանձնացրո՛ւ հերոսներին, նկարագրի՛ր և բնութագրի՛ր նրանց:
Հարրի Փոթեր և գաղտնիքների սենյակ
Հարրի Փոթեր – ազնիվ, բարի։
Ռոն Վիզլի — բարի և մի փոքր վախկոտ։
Հերմիոնա Գրեյնջեր- խելացի, գեղեցիկ, ազնիվ։
Պրոֆեսոր Լոքհարթ – ինքնասեր, վախկոտ։
Ալբուս Դամբլդոր — իմաստուն, ծեր։
Թոմ Ռիդլ – մարդասպան, գոռոզ։
Դոբի – բարի, օգնական։
Լուցկիներով աղջիկը
Աղջիկ – խեղճ, աղքատ։
Գրի՛ր կարծիք կարդացածդ գրքի մասին:
Հարրի Փոթերը և գաղտնիքների սենյակը։
Ամառային արձակուրդները ավարտվեցին և Հարրի Փոթերը վերադարձավ Հոգվորթս։ Դղյակի պատերին հայտնվող սպառնալի գրությունները զգուշացնում են, որ Գաղտնիքների սենյակը կրկին բացվել է։ Ուսուցիչները և աշակերտները սկսում են ապրել մշտապես սարսափի մեջ։ Հարրին իր ընկեր Ռոնի հետ գտնում է Գաղտնիքները սենյակը։ Գաղտնիքների սենյակում նա հանդիպում է Թոմ Ռիդլին, որը նախկինում եղել է Վոլան դե Մորտը։ Հարրի Փոթերը հաղթում է Թոմ Ռիդլնին։
Լուցկիներով աղջիկը։
Աղջկա հայրը ստիպել էր, որպեսզի աղջիկը գնա լուցկիներ վաճառի։ Աղջիկը չվաճառեց նույնիսկ մեկ լուցկի։ Նա նստեց մի շենքի դիմաց և սկսեց քիչ քիչ լուցկիներ վառել, որպեսզի տաքանա։ Երբ վառվում էին լուցկիները նա տեսնում էր այն ինչ – որ նա ցանկանում էր։ Մեկ էլ մի լուցկի վառեց և տեսավ իր սիրելի տատիկին։ Նա վառեց բոլոր լուցկիները, որպեսզի տատիկը չգնա։ Նա նստեց իր տատիկի գիրկը և գնաց Աստծո մոտ։ Առավոտյան գտան աղջկա մարմինը, որը ժպտում էր։ Ու ոչ ոք չգիտեր, թե ինչպիսի հրաշքներ է նա տեսել, ինչ գեղեցկության մեջ են նա ու տատիկը միասին դիմավորել Նոր Տարին…